懶理心臟疑出事　周杰倫豪飲過百萬紅酒當補身

台灣天王周杰倫上周自爆緊急入院吊針，仲話可能係恐慌症或心臟出問題，搞到一班粉絲鬼咁擔心。冇有怕嘅佢已經極速復工，尋晚（15日）佢就上載自拍，寫道：「工作結束有點累，但今天很值得。請期待《周遊記》嚇瘋大家。」估唔到天王見攰唔係抖吓，而係開咗支紅酒撫慰一天嘅疲憊，一口氣飲晒過百萬台紙嘅靚酒！見佢晒出嘅「Henri Jayer」紅酒，專登揀嚟佢出生年份1979年，仲稱之為「帥哥的年份」。已故釀酒大師Henri Jayer被封為勃艮第之神，周杰倫豪飲嘅1979年份酒，其價格就要109萬元新台幣（約29萬元港幣），真係襯晒佢天王身份。