張敬軒斷食重拾輪廓線　網民認錯做姜濤

歌手張敬軒最近忙於工作，呢日佢就透露拍攝新MV，由早上5點開工直踩至翌日清晨近6點，連開25小時冇唞過，不過佢依然狀態好好，望落好醒神，佢就自爆原來為咗今次MV早有準備，早一個禮拜已斷食減肥：「之前一個禮拜開始食返168，戒糖戒重味嘢有番條Jawline（輪廓線）， 開咗10幾個鐘工成個人精神爽利。」重拾輪廓線嘅佢仲梳起新髮型，唔單止一如以往被指同林家謙撞樣，今次仲有網民指佢似足姜濤：「明明我冇關注姜濤㗎」、「張濤！」其實林家謙之前曾分別被指似張敬軒及姜濤，難怪網民話3個都咁似樣，傻傻分不清！