賈乃亮帶貨失言　遭提告索償2億急跪低道歉

近年不少內地紅星都加入直播帶貨行列搵真銀，惟於帶貨圈發展得有聲有色嘅內地男星賈乃亮近日卻「老貓燒鬚」，直播一時失言，惹來品牌考慮提告，索償金額高達2億人民幣（約2.5億港元）！事緣佢介紹氣炸鍋時，為咗力推氣炸食品比市面油炸食物更健康，竟用知名連鎖快餐店作比較，仲直指該快餐店重複用油唔健康，有關方面得知後大感不滿，不排除以企業形象受損為由提告。

而賈乃亮自知失言後，翌日即開直播，喺10幾萬網友前當眾鄭重向該店道歉，不過網民就力撐佢冇做錯：「支持你，跟律師談吧」、「賈乃亮說的是事實呀，有甚麼毛病」。