疑陷婚姻危機！曹格辣妻吳速玲壓力爆煲喪食到胃痛

藝人曹格與辣妻吳速玲結婚14年，育有一對子女，但近日曹格就喺社交網怒嗆老婆老友藍心湄：「不要帶我老婆出去認識男人！」仲被爆出佢同老婆疑似分居，陷入婚姻危機。而吳速玲最近就晒出一系列同朋友從戒茂斯上嘉明湖嘅登山靚相，佢仲喺貼文寫到：「這趟旅程是我人生中難得的體驗，回歸到自然中感受最真實的自我，謝謝這次一起上山的夥伴，感恩我們能聚在一起完成這次的旅程。」睇嚟佢非常感觸。

而前日（18日）佢又再次發文話：「這幾天快要被自己的食量嚇死了，從下山後狂吃猛吃胃痛還要吃，吃到胃痛超痛苦的，真的是辛苦我的腸胃了，胃口太好有得調嗎？感覺我要去看中醫調調」但有網友就擔心佢會唔會係壓力太大，留言話：「是心情影響嗎？」、「先把胃調養好，身體健康最重要」，唔知關唔關老公事呢？