鍾欣潼激瘦出戰「浪姐3」　網民大讚「瘦成閃電」

藝人鍾欣潼（阿嬌）昔日曾因身形忽然暴脹而成為熱話，不過近年佢收身成功，一直維持住美好體態，最近更以最好狀態出戰內地真人騷《乘風破浪》，呢日佢喺社交網大晒全新自拍照，再度「瘦出新高度」，相中見佢坐喺酒店房內，先着上灰色運動短袖衫，右手扶著額頭，盡騷自然美，之後再換上黑白拼接高腰針織衫，兩張相都以淡妝示人，皮膚白滑無瑕之餘，重點係佢瘦到有超尖V面以及重現纖腰，不負「零死角美女」稱號，個樣更激似范冰冰！

雖然佢自言係靠角度加成：「 拍照角度很重要哈哈哈，45度拿捏了。」但網民都話佢真係清減不少，紛紛大讚：「何止45度，3600度都是」、「這個角度看嬌嬌真是欲罷不能」，甚至笑指「瘦成閃電了」！