戲院今日重開　《G風暴》再度上映搶頭啖湯

藝人古天樂、張智霖（Chilam）、鄭嘉穎、宣萱（Jessica）主演的《G風暴》去年除夕上映6日便因疫情令戲院停業叫停，相隔近4個月後戲院今日（21日）重開，《G》亦於今日再度上映。作為反貪風暴系列最終章，製作亦相當揼本，結尾炸太空館一幕觀眾睇得過癮，飾演G4的Chilam帶領宣萱、陳庭欣、劉浩龍及夏嫣逃出從爆炸現場，眾人灰頭土臉喪跑，相當狼狽！

Chilam與宣萱相隔多年未有合作，他說：「同Jessica其實真係好似尋日同佢合作完咁，再合作我感覺上冇太大分別，當然佢依家演技更加成熟，亦都見到佢喺現場好認真，希望每一句對白、每一個鏡頭都能夠做到最好，係好有實力嘅演員！」Jessica就稱今次整個G4團隊大家都合作得非常開心，鏡頭後都會聊天、開玩笑，氣氛非常好。

飾演G4的陳庭欣拍攝時亦相當落力，需要化上血妝，赤腳在凹凸不平的地面逃跑，事前她已做好安全措施，黐膠布在腳底保護雙腳，她笑說：「跑完之後師兄就要放開我捉番夏嫣，我就撻咗喺欄邊，自己要就位攤好，好彩最後拍咗幾個鏡頭就順利完成！」