周杰倫搣甩驚恐症　孖昆凌自揭第3胎係女

台灣天王周杰倫（周董）先前開心宣布昆凌懷第3胎，即將升呢再做爸爸嘅佢，雖然曾一度入院話係驚恐症發作，不過依家佢就已經冇晒事，仲可以開Baby Shower賀一賀BB出世。之前有消息指昆凌腹中塊肉係囡囡，不過佢兩公婆始終唔肯鬆口，一路去到今日（22日）晒出新片，見佢兩個帶埋一對仔女玩篤波波，正式揭曉家中新成員原來係小公主，隨住粉紅色氣球飄向天，一家人幸福到爆，難怪昆凌都留言謂：「Love You So Much。」