方紹聰邀演「水蜜桃」　林凱恩奉命挑戰喊功

藝人林凱恩早前為何廣沛、郭子豪、方紹聰（奶仔）之網上節目《喪屍生死決》演出，奶仔指因跟對方合作無綫劇《食腦喪Ｂ》而變得熟咗，今次純粹「拍膊頭」叫她幫拖，對方二話不說即刻應承，相當爽快！

雖然是網上短片，但拍攝一點都「唔Hea」，就連喪屍妝都化得相當出色，在戲中飾演「水蜜桃」的林凱恩，更要拍喊戲以及同男友分離的戲份，都幾考演技。

林凱恩在片中雖叫「水蜜桃」，名字令人有所幻想，但一向密實的她，當然性感欠奉，反而今次掌鏡的導演是網紅陳麗柔（柔柔），平時在社交網晒相都已經相當火辣，估不到柔柔外表漂亮嬌柔，但拍恐怖喪屍片都難不倒她，導演功力不俗，可說才貌兼備。

方紹聰指今次拍網上喪屍片，主因是想大家看完TVB《食腦喪B》後，可以繼續於網上睇喪屍，並且他們更絞盡腦汁，特別安排可選擇的劇情，讓網友睇得更投入，互動性大增！