鍾嘉欣佗第3胎唔舒服極度情緒化：會突然覺得好驚！

藝人鍾嘉欣早前高調宣布佗第3胎BB，不過未有公布呢胎係生仔定女，佢日前就喺網上頻道上載影片，感謝大家送上嘅祝福。佢喺片中一開始就拎住BB嘅超聲波照片畀一對仔女睇，佢透露依家已懷孕10個星期，同網友分享呢3個月嚟佗B嘅過程，仲話生完呢胎之後會封肚：「相信今次係自己最後一次懷孕，我嘅BB依家好似一個士多啤梨咁大，我一開始發現懷孕個陣已經第5周，我當時遲嚟月經，我發現有唔對路，所以要去買驗孕棒。」

佢透露呢3個月佗B都過得好唔舒服，變得極度情緒化：「我變得好唔理性，好情緒化，好難想像會突然覺得好驚，我瞓得唔好，因為感覺唔舒服！」仲建議大家如果遇到好似佢咁嘅問題，要勇於求助：「大家唔好怕醜，盡量尋求幫助，因為我完全理解，唔好感到羞恥，你只需要休息。」而佢搞笑話依家佗B就好似病咗咁，因為有好多嘢唔食得，忍口梗係好辛苦啦！