王敏奕力證與曾國祥感情冇變：我被愛，快樂，幸福！

藝人王敏奕（Venus）早前因在社交網刪走同老公曾國祥嘅合照兼婚照，因而傳出佢離婚嘅消息。好彩之後Venus已否認有關傳聞，仲即刻晒番同老公甜蜜嘅合照，力證佢哋感情冇變。

而喺今日（25日）Venus就喺社交網貼出近照，見佢喺健身室打卡影相，睇落仲幾精神。佢仲喺貼文寫到：「我被愛，快樂，幸福，我知道。不要讓別人的行為破壞你內心的平靜，讓我們開展美好的一周！我的會很忙。」而一班網民就留言為佢打氣話：「加油」、「永遠支持你」，非常有愛！