導演陳德森拍戲整蠱徐克：死都唔肯放飯！

導演陳德森推出自傳式新書，邀來好友鄭丹瑞及泰廸羅賓等出席記者會撐場。明天（26日）是陳導64歲生日，他指出書當送給自己「賀壽」，所有收益相撥捐慈善團體之用。談到新書籌備，他說：「其實早於30幾歲嘅時候我已經想寫嘞。我喺影壇經歷咗好多，尤其拍攝《十月圍城》嘅時候好多波折，我將自己嘅遭遇寫出嚟，希望大家睇完本書，能夠化成正能量。」

他又指正式籌備構思約1年，後及工作上遇上適合人選，故找對方代筆。問到書中會提到甚麼難忘事，他說：「講番啲新浪潮年代嘅嘢，好似我整蠱徐克，死都唔肯放飯！」當談到新片籌拍，陳德森感慨說：「我哋呢啲拍開動作片，開親工就幾百人，作為投資者嘅都幾擔心，所以真係冇得諗，希望多啲勇敢嘅投資者啦。我都知好多同業轉咗去拍電視劇，作為電影人只可以暫時咁做，長線都係想拍番電影嘅。」