陳自瑤拍情緒戲難抽離 羅子溢怕屋企「老虎」唔敢思想出軌

2022年04月26日 19:01
東網電視
更多新聞短片
羅子溢、陳自瑤(Yoyo)、黎諾懿、賴慰玲、羅天宇等演出的無綫劇集《婚後事》,今日(26日)在將軍澳電視城進行拜神儀式,無綫總經理曾志偉突然現身,以表示對監製林肯的支持。
首次孭飛「女一」的Yoyo劇中和子溢飾演一對離婚夫妻,失婚後她搭上諾懿,劇中關係錯綜複雜,她直言首次孭飛有點壓力難以抽離角色:「日前同諾懿拍咗場親熱戲,尺度都勁勁哋,開工兩個星期都幾大挑戰,角色情緒波動好大,好似成人喊咁,開心又喊、唔開心又喊,搞到都有啲抽離唔到,之前拍完一場情緒戲,第二日沖涼都忍唔住爆喊。」
子溢劇中更有3段情,但他則沒有未能抽離角色的壓力,每日完成拍攝工作就拋諸腦後,因屋企有兩個小朋友,回家第一時間就要沖涼消毒。Yoyo則大爆子溢劇中有大量激情戲,但相信楊茜堯很大方,不會呷醋。子溢則難忘拍攝思想出軌戲,他說:「最難忘係有場戲,明明係同Yoyo親熱緊,但就要講我幻想對方係王敏奕。」他強調現實中連思想出軌也沒試過,所以這場戲相當難演繹。