陳自瑤拍情緒戲難抽離　羅子溢怕屋企「老虎」唔敢思想出軌

羅子溢、陳自瑤（Yoyo）、黎諾懿、賴慰玲、羅天宇等演出的無綫劇集《婚後事》，今日（26日）在將軍澳電視城進行拜神儀式，無綫總經理曾志偉突然現身，以表示對監製林肯的支持。

首次孭飛「女一」的Yoyo劇中和子溢飾演一對離婚夫妻，失婚後她搭上諾懿，劇中關係錯綜複雜，她直言首次孭飛有點壓力難以抽離角色：「日前同諾懿拍咗場親熱戲，尺度都勁勁哋，開工兩個星期都幾大挑戰，角色情緒波動好大，好似成人喊咁，開心又喊、唔開心又喊，搞到都有啲抽離唔到，之前拍完一場情緒戲，第二日沖涼都忍唔住爆喊。」

子溢劇中更有3段情，但他則沒有未能抽離角色的壓力，每日完成拍攝工作就拋諸腦後，因屋企有兩個小朋友，回家第一時間就要沖涼消毒。Yoyo則大爆子溢劇中有大量激情戲，但相信楊茜堯很大方，不會呷醋。子溢則難忘拍攝思想出軌戲，他說：「最難忘係有場戲，明明係同Yoyo親熱緊，但就要講我幻想對方係王敏奕。」他強調現實中連思想出軌也沒試過，所以這場戲相當難演繹。