區永權生日　點解蕭正楠要求吹蠟燭？

由蕭正楠、伍仲衡（Harry）和區永權（Albert）主持的無綫綜藝節目《總有歌聲喺隔離》，一連三集已經播放完畢，節目推出後大獲好評，日前他們再次約埋一齊開Live唱歌，Harry同蕭正楠更準備了驚喜生日蛋糕送畀剛剛過了生日的Albert，但他吹完蠟燭後，蕭正楠要求畀他吹多次，因為他上月23號生日時，遇上全城抗疫，冇人跟他慶祝生日，連太太黃翠如都不在香港，他說：「我嗰日自己一個喺屋企食即食麵，咁多年從未試過過一個咁寧靜的生日。」

這次Live，區永權更與伍仲衡嘗試交換位置做琴手，Harry開心向Albert說：「我從未試過坐呢個唱歌位置，原來咁正咁好feel，咁你繼續彈啦！你識得彈咩歌？」Albert笑言是《李香蘭》，令到現場的眾人捧腹大笑。這個Live引來很多「伍BUD區蕭」的粉絲觀看，更希望他們能夠開實體show，Albert說：「我哋都好想快啲開到個實體show，即係話如果開到嘅話，疫情就應該好咗好多，我哋都好期待呀！」