東方日報C1:紅館騷門票誘「鏡粉」入會 MIRROR至少吸4,000萬
20220428
東網電視
更多新聞短片
![](/hk/bkn/cnt/entertainment/20220428/photo/bkn-20220428030147937-0428_00862_001_01p.jpg?20220428030147)
人氣男團MIRROR昨日宣布將於5月成立官方歌迷會,而入會最吸引之處,當然是可以優先訂購全城熱搶的紅館騷門票,勢必吸引近10萬「鏡粉」加入,有指入會費約400元,即官方歌迷會甫成立就勁吸4,000萬!提到一票難求,MIRROR各人直言很頭痕,「教主」Anson Lo更自爆親友相當「大食」,令他哭笑不得!
男團MIRROR、ERROR、女團COLLAR、練美娟及沈殷怡等昨日現身新公司MakerVille記者會,MIRROR壓軸登場並首次現場演繹新歌《Innerspace》,之後正式宣布5月會成立官方歌迷會,並預告會員福利包括迎新禮盒及訂講演唱會門票,有關收費及其他事項則有待稍後再公布,而隊長Lokman相信不設入會人數上限。
「鏡粉」入會的最大福利,當然是可以優先購買全城熱搶的MIRROR演唱會門票,相信官方歌迷會成立,絕對有望吸納近10萬人,以之前傳會費約400元為指標,料吸金4,000萬!其實不少新一代歌手都有成立歌迷會,MIRROR共12位成員亦有各自的Fans Club,會費約為200、300元不等,而「聲夢」人氣王炎明熹及姚焯菲歌迷會的入會費為120元,胡鴻鈞的要240元,新人王MC張天賦的入會費則只需30元。
姜濤冇朋友一身輕
MIRROR受訪時,Lokman被追問有關歌迷會詳情,他說:「其實仲未正式成立,有少少嘢要處理。(官方歌迷會係新公司送畀你哋嘅禮物?)都係㗎!大個仔喇,都係時候成家立室,咁先有體面。」問到成員各有歌迷會,會否構成混亂?副隊長AK表示:「公司管理我哋12個Fans club係有啲難,依家處理緊點先可以好順暢咁去做。」
提到暑假會在紅館開騷,前日開記者會宣布消息後即掀起撲飛潮,問到各成員可有為「飛債」苦惱?AK笑說:「啲中學同學都搵我要飛,以前坐隔籬位冇講嘢嘅同學都搵我!阿媽直情同我講每場要5 張,我問番阿媽,我喺邊度變畀你呢?」而「教主」Anson Lo亦笑指親友相當狼死:「淨係舅父一個都話要50張飛,我只能夠話盡力,自己都唔知道有幾多!」而本月30日迎來23歲生日的姜濤,透露當日會推出「第10胎」新歌,在工作中度過生日。問到如何還「飛債」,他說:「朋友唔太多,暫時未有人問我撲飛。」其他隊友即要求他讓飛,姜濤聞言改口風,笑稱其實也有不少朋友,相當搞笑。
保錡Block人「避難」
至於ERROR受訪時表示亦受MIRROR開騷波及,收到不少「購票電話」,保錡笑說:「通常開場白都係『好耐冇見,有啲嘢想搵你幫忙。』」惟有選擇封鎖對方,而阿Dee收到朋友傳來的撲飛短訊,但相信對方應該是找MIRROR成員Edan。此外,最近開Cafe的193被投訴食物太貴兼貨不對辦,他日前寸嘴稱「Cafe就係呃錢,如果要平就食兩餸飯。」這番言論再惹網民狂插,他對此表示:「我只係用個『呃』字代替個『賺』字,大家認真咗。要針對都冇辦法,百貨應百客,要去就去啦。」
另外,MakerVille行政總裁魯庭暉昨日在台上表示新公司會「做啲嘢出嚟」,主要會做3件事:內容、藝人、希望多作新嘗試,為觀眾帶來不同類型的新作品,同時希望節目衝出香港,以不同方式讓外地觀眾觀賞。
更多新聞,請瀏覽東方日報網頁: