被4歲兒子驚人天賦嚇窒　周杰倫驚呼「轉世蕭邦」

台灣天王周杰倫（周董）音樂成就非凡，自小已充滿音樂天分，早於3歲時就開始學習彈鋼琴，近日佢喺家中練琴時忽然被昆凌打斷，竟發現驚人一幕，原來4歲囝囝「小小周」不但盡得其真傳，音樂天賦更隨時青出於藍！當時「小小周」正在作畫，但唔係畫普通嘅公仔，竟然畫上一篇篇樂譜，見白紙上嘅紅線樂章由上至下分成多列，與真實曲譜無異，期間「小小周」仲邊畫邊停頓思考，仿似真係作緊曲一樣，周杰倫即笑言：「你心中有旋律是不是！」佢更坦言眼前呢一幕難以置信，仲問大家信唔信有前生今世，認為囝囝前世定必係一位音樂家，簡直有莫扎特、蕭邦等影子。

網民都大讚神奇，力推「小小周」做周董接班人，又笑指周董專輯進度太慢，連囝囝都睇唔眼要幫手「作曲」，又提起周董大女「小周周」同樣具備音樂天分，年紀輕輕就識拉小提琴，大讚係「音樂世家」，而好友林俊傑更建議將「樂譜」延續寫成歌曲：「快把它寫成歌！」