劉亦菲李現疑低調傳情　被質疑戲假情真

內地女星劉亦菲與李現正為新劇《去有風的地方》開工，劇集未拍完已有唔少粉絲睇好佢哋組螢幕情侶，甚至P圖後製2人合照，有網友更從2人近日甫出嘅照片發現線索，直指佢哋關係匪淺，隨時有可能戲假情真。網友指出2人雖然各自上載獨照，但其實暗含玄機，劉亦菲喺太陽下拍照，而李現原名為「李晛」，代表出生時見到太陽嘅意思，故認為劉亦菲嘅太陽照正正代表緊李現。

至於男方對鏡自拍照，亦被解讀為向女方示愛，皆因「亦菲」兩字字形結構都係鏡面對等形狀，加上李現做出心心手勢，認為佢哋透過照片低調傳情，不過亦有網民指過分解讀，所謂含意似乎有啲牽強。