任賢齊霸氣晒珍藏名車：唔係有錢就買到！

台灣藝人任賢齊（小齊）為咗可以兼顧家庭同工作，佢早年已定居香港，紅遍中港台逾30年嘅佢，長期Keep住開工密密吸金，身家梗係有番咁上下！而佢身為「愛車控」平時好鍾意收藏車輛，而一向低調嘅佢近日一反常態，好高調咁喺社交網拍片，大晒自己嘅珍藏車輛，有啲車係絕版款式，有錢都買唔到呀，而面對住擁有歷史價值嘅車，佢就話：「這不是說你有錢就可以擁有它，現在的價值都很估難計。」仲大晒自訂車牌「MR JEN」，果然夠晒霸氣！

佢話自己性格粗獷豪邁，所以佢收藏嘅車大部分都係合乎佢嘅個性，仲有晒出3架電單車，分別叫價逾萬到20萬不等，唔理平定貴嘅車佢都鍾意收藏，果然係名副其實嘅「玩具收藏家」！