標梅利回應片場不當行為指控　原本只係想搞笑

老牌美國諧星標梅利（Bill Murray）早前拍攝新片《Being Mortal》時被指向一名女拍檔作出不當行為，電影公司收到投訴後下令停拍進行調查。標梅利昨日（30日）受訪時首度開腔回應事件：「我做咗啲我認為係搞笑嘅嘢，但對方唔認為係。電影公司想做正確嘅事，所以要充份調查，暫時停拍。依家情況係，我哋傾返計，想和好……我哋係專業，都欣賞對方作品……如果大家唔啱同唔信任，再合作或拍戲就冇意思。」

他自言已反思己過：「過去一兩個禮拜我主要係反思。個世界同我係小朋友時好唔同，我細個時覺得好笑嘅嘢，依家唔一定係再係好笑。啲嘢會隨住時間改變，所以對我嚟講重要嘅係去了解佢。而最重要係佢係要對另一方係最好。」

網友估計指控標梅利的拍檔是女星Keke Palmer，她早前曾於社交網站不開名嘲諷有演員不專業。