江嘉敏低胸戰鬥格襲馬場　翻風唔怕凍親咪咪

無綫小花江嘉敏（Kaman）今日（1日）以藍色西裝外套襯黑色Deep V緊身背心，一身火辣戰鬥格現身沙田馬場，力撐朋友愛駒出賽，成為全場焦點！最後佢朋友隻愛駒「大紅袍」成功跑第一，真係堅旺呀！

東網聯絡上Kaman，佢話：「咁都見到我！我隻腳未好番呀，呢幾日醫生放假，所以冇得覆診。我都好耐冇嚟喇，以前都有間中有同啲朋友入嚟食飯聚吓，感受吓氣氛。本身都諗住放飛機，哈哈⋯⋯因為我今朝6點先放工。但係啲朋友好耐冇見喇，所以佢哋都好想我出嚟一齊傾吓偈！」問到點解今日天氣轉涼都着到咁性感現身？佢竟然話：「邊有呀，夏天嚟喇着背心咋！」