《金宵2》愈戰愈勇　內地力推做必睇劇集三甲

口碑不俗、話題多多嘅無綫神劇《金宵大廈2》上周啱啱大結局，網友個個意猶未盡，對於主角李施嬅、陳山聰嘅感情同平行時空劇情為之着迷，咁啱嚟到內地五一長假期，《金宵2》更加成為內地影視評論網站評選20大熱門好片嘅第3位，即使劇集播完都一樣穩坐三甲之位，睇得出內地觀眾一樣Like爆！而另一無綫與內地平台合辦嘅內地歌唱節目《聲生不息》，亦佔咗第10位，可喜可賀。據知，《金宵2》有近2/3嘅觀眾都係經myTV SUPER收睇，明顯劇集受歡迎程度爆標，全國爭住煲劇！