私自搞海選疑別有用心　《中國好聲音》嬲爆嗌停

內地長壽音樂選秀節目《中國好聲音》一直得到網民歡心，多屆參賽者依家喺樂壇都舉足輕重，人氣、名聲、錢財咩都有齊晒，絕對係素人變明星嘅踏腳石，所以搞足咁多年都仲係當紅節目，參加者亦踴躍參加選拔賽，博有機會一唱成名。可惜《中國好聲音》官網尋日（1日）上載鄭重申明維權，原來《中》製作公司喺未經授權允許情況下，做出諸多嚴重侵犯嘅行為，包括擅自大肆進行《中國好聲音》變相海選活動、違規舉辦《中》音樂節、全國巡演活動進行招商等。今次發聲明就係要求多間公司立即停止所有侵權行為，交付侵權所得並賠償損失。