莊鍶敏隔離中獨自過生日：希望只此一次！

本月1日是莊鍶敏（Jacquelin）的正日生日，早前她到了內地工作，生日當天在隔離中度過，她笑言：「人生中第一次喺隔離中過生日，非常之平靜，希望只此一次啦！」問到老公有何表示，她稱老公在生日前一天有傳祝福訊息以及封利是給她，而妹妹莊思華就隔空送花給她：「隔離酒店都送咗蛋糕畀我，我會開直播同粉絲一齊切蛋糕。生日願望係身體健康，事業上有唔同發展以及新投資嘅護膚品牌生意興隆。」

Jacquelin透露今次來內地其中一個工作跟護膚品生意有關：「我要同廠商傾生產問題，希望一切順利。」現時規定由港到內地人士要隔離「14+7」，今次是她第二次接受隔離，她表示隔離生活還可以，主要是煲劇、做運動、食及睡覺中度過：「我重新睇咗一次《金宵大廈2》，之前真係睇唔明，今次再睇多次，終於睇得明，發覺真係好好睇。」