最索星二代沈月改名Ayla有玄機　傳簽經理人正式入行

有「最索星二代」之稱嘅邱淑貞愛女沈月一直被網民力推入行，依家網友終於等到，因為外界盛傳佢已經同韓國經理人公司簽約準備出道。有傳沈月之前諗過喺內地發展，但內地已經有一位同佢同名同姓嘅沈月，為咗唔想因為撞名而發生尷尬情況，所以決定改用藝名Ayla，想知個名有咩意思就要睇片喇！

無綫花旦湯洛雯（靚湯）日前為新劇《隱門》開工，佢透露因為胃炎要戒口，仲大爆男友馬國明唔識煮嘢食。講到佢聽日（6日）生日，靚湯竟然話冇期望過男友會為佢準備驚喜，仲話：「我估佢應該會買蛋糕啩，哈哈！」靚湯都講到咁，希望馬國明識做啦！想睇更多精彩內容就要留意今集《繽FUN主播室》喇！