黃翠如返港隔離　蕭正楠酒店樓下示愛變癡漢

藝人黃翠如早前撇甩老公蕭正楠，飛到馬來西亞工作順道同好姊妹吳天瑜敍舊，離開咗一個多月，近日翠如終於返港，適逢日前（5日）係佢同蕭正楠嘅結婚周年紀念日，雖然佢身在酒店隔離未能親身同老公慶祝，不過身為廿四孝老公嘅蕭正楠就好識做，去到隔離酒店樓下嘅公園，隔住玻璃說愛你，而翠如亦喺高空拍下老公嘅身影，並冧爆表示：「確認咗，這一粒，我老公。」阿蕭就笑言：「公園嘅人以為我係癡漢。」

另外，蕭正楠亦喺社交網放閃，貼出2019年與翠如於峇里舉行婚禮嘅靚相，並留言指：「某年某月某日，某個女生很美。」再施冧功氹老婆。