張敬軒驚收500kg咖啡豆　 慘叫：求你唔好用飲咖啡嚟罰我！

藝人張敬軒（軒公）不時都喺社交網分享工人「遮遮 」嘅趣事，近日佢哋又再爆笑料！事緣軒公發現屋企嘅咖啡豆用晒，諗住叫遮遮入貨，臨出門口嗰陣，遮遮就問佢：「Sir，要買幾多？」軒公就話：「買多啲啦，睇吓佢哋有幾多，要曬都得，多咗可以帶去紅館俾同事用！」

點知兩個鐘後，遮遮影相話買咗500kg咖啡豆，嚇到佢即刻嗌停隊Band，打畀遮遮唔好做傻事 ！仲直呼：「求你唔好用飲咖啡嚟罰我！」笑到一班網民肚痛！有網民仲好貼心為軒公「計數」，留言話：「一包250g豆大概飲10日，照咁計，500kg應該可以飲兩萬日，即係54.7年。」

而近日佢亦為東鐵線過海段拍廣告，見佢着到西裝官仔骨骨，網民都讚佢靚仔又有型呀！