個唱數度叫停　工作狂AGA變做乖乖女陪父母

歌手江海迦(AGA)為無綫娛樂新聞台節目《StarTalk》任嘉賓，大談數度面對紅館個唱延期及取消的感受，坦言雖然感到無奈，但已調整好良好心態：「之前歌迷好好幫我集氣，成個團隊嘅熱誠令我好感動，所以之前未到最後一刻仍然堅持做綵排。依家再做會重新入紙，希望喺一個最好嘅時間送個演唱會畀大家。(當時傳情緒出現問題？) 我好OK，其實一早同公司拎咗大假，諗住開完演唱會之後陪屋企人，因為本身父母由澳洲返嚟睇我演唱會。我覺得今次係因禍得福，因為真係兩年冇見過佢哋，我係一個工作狂，之前錯過好多時間，又犧牲同家人嘅時間，所以要好好珍惜，所以同公司講暫停宣傳工作，想Focus喺家人多啲！做番個女過慢活生活，可以同父母飲咖啡坐一個下晝都好開心。」

談到明年便出道10年，AGA認為一直放棄的信悠令自己很自豪，皆因年幼時很多時都是三分鐘熱度，更指多年來為自己創作歌曲實在感壓力：「有好多音樂人寫到第3、4隻碟，可能會遇到樽頸，不過我好好彩，感恩一坐低又可以寫到，一坐低又有靈感。」