粉絲突破「雙8萬」！34D「J2女神」梁凱晴找數派福利

無綫J2台旅遊節目長駐台灣主持梁凱晴（Nina），憑住甜美外表加上有1米7高挑身材及34D豐滿上圍，深受網民喜愛，獲封「旅遊女神」，除擔任主持外，亦開設個人影片頻道，積極經營網紅事業，人氣高企嘅佢近日兩個社交平台嘅粉絲人數均突破8萬大關，呢日佢就喺社交網大晒一系列泳衣相，大派福利答謝粉絲支持。相中見佢以純白比堅尼上陣，大騷小蠻腰，仲微微露出屁股蛋，性感得嚟又充滿陽光氣息，大玩健康性感，唔少網民都好受落，仲提議佢快啲出寫真。