冇得拍港版《華燈》！鄧伊婷內地隔離21日：驚返港傳染人

藝人姚子羚、楊明、蔡潔等主演、被喻為港版《華燈初上》的無綫新劇，劇組正於內地接受防疫隔離，並將於日內在佛山開工，惟有份參演的鄧伊婷，因CT值不符合內地要求，故成為確診人士，未能如期開工，最終被飛出劇組。

對於因兩地有關CT值準備問題，導致她未能參與劇集，她直言有感到失望，她說：「呢邊疾控中心專家都有講，好多感染人都出現呢啲情況，好普遍，其實風險唔大，第二日我都做咗反覆檢測，都係呈陰性，依家身體好健康，冇唔舒服，唔使擔心，呢邊話連續2次陰性結果可以返香港，我認為自己好反覆，怕返香港有風險同傳染人，所以要有公德心，決定再自己我隔離7日，依家隔離21日，唔好覺得坐隔離監，因為自己選擇。」

雖然未能如願入劇組，但伊婷也感謝高層樂易玲及劇組關心其身體狀況，即使最後換角色是顧全大局的決定，她絕對明白及接受，更說：「作為演員好想爭取機會，希望觀眾會見到我，但唔好可以自私，要劇組同公司冒呢個險，我好尊重同配合佢哋，希望疫情快啲過去，相信有更好機會在前面。」