最索母女檔！孫芸芸有女初長成　長腿酥胸後繼有人

43歲的「台灣第一名媛」孫芸芸出名駐顏有術，身材外表都似足後生女，其實佢已經係兩個小朋友嘅媽媽，大女廖思惟（Trinity）更已經22歲，亭亭玉立嘅Trinity仲遺傳到媽媽嘅Hot爆基因及時尚騷覺，大晒長腿酥胸，火辣程度拍得住媽媽，兩母女簡直風格造型似到十足，拍埋一齊唔講以為係兩姊妹！

其實台灣仲有另一對母女檔，同樣似姊妹多過母女，就係出爐世界第一衝浪女神陳美彤（Kimberly）及15歲女兒陳宥蓁，上月Kimberly以43歲之齡出戰CWSA首季快艇衝浪世界排名積分賽，擊敗美國選手，榮登Masters Women Surf組別全球排名第一位！充滿活力嘅佢外表Keep住年輕，囡囡陳宥蓁亦盡得真傳，遺傳到一雙逆天長腿之餘，亦同樣熱愛衝浪，目前於業餘女子組以世界排名為19名佔一席位，前途無可限量，日前佢哋仲組成「浪花母女」齊齊出海衝浪，展示健康體態美同時盡顯英姿，認真「虎母無犬女」。