容祖兒再唱16年前冧媽神曲　零瑕疵盡顯天后功架

天后容祖兒（Joey）出名係孝順女，對容媽媽錫到燶，但由於工作關係，Joey早前短暫回港同媽媽過年後，又再火速北上開工，兩母女再次分隔，為解相思之苦，Joey近日拍片大唱歌頌媽媽嘅名曲《世上只有》，隔空送畀媽媽，當年呢首歌曲唱到街知巷聞，仲成為咗母親節必唱金曲，片中見Joey趴喺床上哼唱歌曲，清唱一樣咁好聽，隔住個Mon都Feel到佢對媽媽濃濃嘅愛意，片段仲加插佢同媽媽嘅合照，非常溫馨，獲唔少粉絲大讚感動。