拍亞視劇多感觸　王菲自爆酒吧撩仔最難搞

前港姐王菲有份演出的亞洲心動娛樂網劇《逐流時代》近期播完，劇中飾演黃德斌女兒「宋曉嵐」（Kitty）的她看到劇集曲終人散感觸良多，很享受拍攝過程，拍攝得相當爽。角色反叛、情緒起伏大與她真實性格大相逕庭，她說：「劇入面有好多爆喊、好嬲、好激動嘅場口，拍之前都要儲落好多能量，由化妝開始已經醞釀定，聽啲好Sad嘅歌去培養情緒，全日都唔可以畀自己情緒高漲，去到拍攝先可以入到戲，爆發出嚟。」除了情緒戲，酒吧撩仔戲亦考驗王菲，她笑說：「自己嘅性格好爽直，唔識女仔咁去撩仔，當時都要靠導演教我點樣去做。」