聲夢閃卡爭住搶　炎明熹姚焯菲隨時斷貨

近年有快餐店推出歌手閃卡，再次掀起儲卡熱潮，大家樂早前就搵嚟《聲夢傳奇》學員擔任代言人，特別推出「聲夢閃咭套餐」，由尋日（10日）開始，購買指定套餐，就會隨機附送一款《聲夢傳奇》限量珍藏版閃卡，當中就有「人氣王」炎明熹（Gigi）、姚焯菲（Chantel）、鍾柔美（Yumi）、林君蓮（Kaitlyn）、冼靖峰（Archie）及張馳豪（Aska）嘅個人閃卡及特別版組合閃卡，另外網店又有埋閃卡相簿及聲夢特別版八達通。如果惠顧兩客聲夢閃咭套餐，仲可享獲3人組或6人組合照特別版閃咭一張，隨時展開粉絲搶購潮。