張敬軒紅館騷被黃牛騎劫 訛稱姜濤做嘉賓呃賣飛

2022年05月11日 14:18
東網電視
更多新聞短片
歌手張敬軒「張敬軒THE NEXT 20 演唱會」紅館騷尋晚(10日)重新啟動,更由8場變16場,萬眾期待!不過人紅多是非,近日網上盛傳人氣男團MIRROR成員姜濤將會擔任5月14日(星期六)場次嘅表演嘉賓,更有人開設社交網大肆宣揚此事,並借此氹粉絲買疑似「黃牛飛」,將票價推至700蚊一張單人飛。
張敬軒所屬英皇娛樂英皇娛樂演唱會部總監馮貽柏否認事件:「外間流傳的嘉賓名單,當中存在很多幻想及虛構,相信聰明觀眾不會相信這些流傳消息。每晚嘉賓,當晚到場才會公布,留予大家驚喜。」呼籲樂迷免被騙。
而當事人之一嘅姜濤都急急幫手打假,轉發自己將現身張敬軒個唱嘅假消息,並打上「Fake(虛假的)」,轉頭亦幫手宣傳張敬軒紅館騷,祝前輩開騷順利,張敬軒亦回覆:「多謝姜,你都要勞逸結合,二作繁忙都要注意休息。」似乎未有被黃牛黨賣飛一事影響。