得《金宵2》帶挈　張彥博密密接Job北上搵銀

藝人張彥博早前憑《金宵大廈2》的Lam一角，演技備受關注，《金宵》效應下，亦帶挈他多了不少工作，將往大陸拍攝綜藝節目，預計拍攝近兩個月，由於他之前都試過返大陸工作時隔離，故今次有經驗，已計劃好在隔離的21天的時間日程，他說：「我會寫歌、睇書和做運動。」不欲浪費每一秒。

趁出發前，他早前應邀到中學作人生分享，本身是教徒的他，過往都經常到不同機構或學校分享自己的成長經歷。他說：「我會講吓自己嘅奮鬥故事，喺逆境點樣一步步挑戰自己，到今日做到演員和歌手，想鼓勵學生，幫佢哋搵到自己嘅人生目標。」自言自小讀書唔叻，但他的爸爸本身是一名老師，故他也曾憧憬將來做講師，近日他有機會在音樂學院教授音樂，分享音樂心得，感覺也不錯。