唐貝詩再出十字架主題口罩籌款

藝人唐貝詩（Lydia）跟教會朋友去年與口罩品牌合作，推出以十字架為主題的口罩作慈善義賣，扣除開支部分收益捐給歌手關心妍創立的慈善機構，最近她再度推出全新系列，她今次邀得《全民造星III》的參賽者黃劍文（Kimman）擔任模特兒，她說：「之前睇《全民造星III》嘅時候已經好欣賞佢，覺得佢唱歌好正、好型，原來佢有喺街頭唱歌傳福音，個人心地勁好，我喺藝人之家識佢，我哋藝人之家每兩個星期有一次聚會，佢有唱歌。佢知道我呢個口罩係想推廣基督教時尚文化，所以佢好義不容辭咁幫手，完全冇收任何酬勞。」

另外，講到工作方面，Lydia坦言受疫情影響，影視工作完全停頓，但她有繼續進修演藝課程以裝備自己，她說：「我係唔停得落嚟，我有做生酮曲奇同修讀營養學課程，想有專業資格，發現原來以前坊間流傳或者網上睇嘅營養學知訊都係錯，同埋多咗好多朋友，突然好受歡迎，好多人問我關於營養嘅嘢，變咗免費營養師。」