27歲扮「小雲」片翻Hit　網民恨關詠荷復出拍劇

影帝張家輝太太、藝人關詠荷淡出幕前多年，佢於80年代尾加入亞視迅速走紅，成為當家花旦，近日亞洲電視社交網甫出佢早於1991年在節目《群星過晒界》擔任主持嘅片段，見當年只得27時嘅佢以模仿動漫《IQ博士》主角「小雲」造型上陣，Cap帽、大眼鏡以及一頭曲髮，青春可愛，加上佢喺節目中介紹亞視錄影廠時表現生動，即時引起網民熱議，片段相隔31年重新翻Hit，唔少網友都會好掛住佢，希望佢日後再有機會復出拍戲。