楊冪着過萬蚊名牌靴踩泥地　被網民直指「富婆行為」

內地女星楊冪近日正忙於拍攝真人騷《花兒與少年4》，每日都有路透圖流出，而佢嘅百變嘅衣着打扮亦成為網民熱話，集可愛、性感於一身，咩風格都能輕鬆駕馭。最新嘅路透圖中，佢再次因為造型而引起熱議，並唔單單因為夠靚夠青春，而係早前曾喺節目直認有錢嘅佢，今次竟然着住一對熱爆全網、過萬元嘅名牌雨靴上陣踩泥地，仲搞到鞋面滿布泥濘，似乎毫不在乎，被網民指完全唔錫住對鞋，直指係「富婆行為」。而拍攝當日，佢仲同嘉賓韓東君，齊齊盪鞦韆、玩蹺蹺板、吹泡泡等，充滿童真。