姜麗文慘被網絡欺凌　 發文大控訴：唔鍾意我就轉台！

秦沛女兒姜麗文（Lesley） 一向畀人正面樂觀嘅感覺，但其實佢曾患嚴重抑鬱症，仲試過3度自殺，真係令人痛心。而近日Lesley就喺社交網大呻受到網絡欺凌，仲連發4篇文寫到：「人，有時候真的很刻薄。如果你不喜歡我，就轉台，我很困惑為甚麼你要抱怨每一集，還花時間在IG找我，只為了批評我說話、站立的方式？」

佢仲話自己好難過，唔明自己有咩問題，又話當世界上有咁多虛假同黑暗時，令佢覺得好糟糕。最後佢仲話：「我明白藝人要承受仇恨，但有瘟疫、戰爭、饑荒、貧困，還有很多事情應該要去做，為甚麼要專注在我身上？網絡欺凌總是那麼傷人！」睇嚟佢受到唔少打擊。而唔少網民亦表示好擔心佢嘅情緒狀況，希望Lesley可以早日走出傷痛，重拾好心情。