黃澤鋒遺憾冇見母親最後一面:瞌埋眼就諗起佢

2022年05月13日 19:59
東網電視
更多新聞短片
藝人黃澤鋒的媽媽黃陳蓮桂3月因疫情「中招」離世,享年97歲,今日在紅磡萬國殯儀館設靈。黃澤鋒與太太陳麗麗五時去到達殯儀館,女兒黃熙恩(小黃妃 )因年紀太小未有到場。
澤鋒對於媽媽離世仍難掩傷心之情,一路哽咽一路接受訪問,相當難過,他說:「直到今日認屍先近距離見到佢一面,之前佢喺負氣壓病房,兩重玻璃隔住幾十呎,想摸都摸唔到佢,雖然媽媽已經90幾歲,4代同堂,知道佢總會走,但都係非常之唔捨得,呢段時間冇一晚係瞓得好,瞌埋眼就諗起佢,好難過。」
講到女兒妃妃可知道嫲嫲離世,澤鋒說:「佢可能未必理解,仲講話嫲嫲要身體健康。嫲嫲回魂嗰日,佢突然猛咁話冇所謂、冇所謂,呢個係嫲嫲嘅口頭禪,妃妃好似嫲嫲,好鍾意同人分享,希望佢好好遺傳呢樣嘢。」