Kendall真人騷節目獨門技術切青瓜被網民恥笑

美國真人騷家族Kardashians成員模特兒Kendall Jenner在家族全新真人騷節目《卡戴珊家族》(The Kardashians)的 切青瓜片段近日於網上被瘋傳，而她更因此而被網民寸嬌生慣養！

片段中她嘗試在母親Kris Jenner面前切青瓜，怎料她竟然按住青瓜尾部而切，就連母親都要叮囑她要小心，而Kendall就回答：「我知呀，我有啲驚。」之後她再問母親：「乜青瓜唔係有核咩？我絕對切嘢唔叻，唔好Zoom近我。我唔係咁專業。」Kendall切青瓜時隻手指好近把刀，母親見狀即叫廚師幫手。不過她仍堅持自己切！網民看過片段後即在社交網「圍爐」討論，其中有網民說：「Kendall Jenner嘗試切個仆X青瓜，絕對係我目擊之下最慘嘅事。」另有網民指「Kendall嘗試切青瓜係我成個星期睇過最好笑嘅嘢，做有錢人真困難」。而Kendall亦發揮「阿Q精神」於自己個社交網站轉發網民的批評並留言：「慘慘豬！」