郭子豪繼續開拓網上平台:都有時間陪女友

2022年05月14日 09:07
東網電視
更多新聞短片
藝人郭子豪去年與何廣沛及方紹聰(奶仔)開設網上平台,期間製作了不少片段,日前子豪出席宣傳活動時,透露有意繼續開拓網上平台市場,曾於英國修讀機械工程的他,亦望能夠學以致用,他接受東網訪問時表示:「好想加強接工作嘅流程,依家好多細節嘢都判咗畀外面做(你想一條龍做晒?)又唔係,本身我冇讀過點做廣告平台,所以某啲部分都要搵專業人士處理,但諗緊點樣先可以將個流程縮短1/3製作時間,好在呢排未有劇開,可以先集中做平台嘅工作先。」忙於為事業打拚的他,問到是否沒有時間陪女友鄧卓殷?子豪笑咪咪說:「都有時間嘅,佢之前畢業後都有Keep住拍片,依家好多藝人都做緊(有冇諗住同女友合體喺你個自家平台出現?)佢都曾經客串過個平台節目,其實我冇咩所謂,訪談形式都可以嘅。」
談到早前於節目中談及媽咪時即忍唔住流下男兒淚,子豪不諱言每次觸及家人話題都很眼淺,身邊友人也取笑他鐵漢柔情,曾經歷事業受創日子的他,被問到現時已事過境遷,愛情事業亦兩得意,父母是否很放心?他說:「屋企人都係睇結果,佢哋見我四肢仲健全,識照顧自己同獨立都開心(咁有冇照顧父母先?)都有嘅。」