生日飯食唔停　楊洛婷體重急升2KG

本月16日生日的藝人楊洛婷最近認真好口福，生日飯吃過不停，近日獲好姊妹Rosemary 、鍾麗淇及周家蔚為她以及同是5月生日的貝安琪慶生，一齊食自助餐慶祝，她表示：「好好彩，最近政府放寬防疫措施，可以同朋友聚會，我哋都係媽媽級，好難得可以放低小朋友一齊聚會。」講到正日生日當天，她稱已被老公Mark實：「老公已經約咗我，佢寫住Surprise，所以我都唔知會點慶祝，我生日當天仲會有我嘅廣告出街添！」她自言由於老公是5月初生日，加上慶祝母親節、朋友及自己生日，最近不停大吃大喝，已經重了2Kg：「食多一個星期左右，我都要停一停，要Keep吓身形，因為5月尾要開工啦！」