被陳敏之大爆身家過10億　Bob嚇到爆粗：你都黐線！

有「金牌司儀」之稱嘅藝人林盛斌（Bob）近年工作量大增賺到盆滿缽滿，更愈住愈富貴，早前再搬入九龍塘豪宅新居風水屋引起熱議，呢日佢亮相好友陳敏之影片頻道節目，分享自己愈住愈富貴，由旺角蝸居搬到九龍塘豪宅嘅致富之道，佢透露全靠後生時斥資逾90萬元，買入旺角女人街一個逾200平方呎嘅單位，之後樓換樓，賺到錢又再買入其他單位用作放租，終由600呎搬到900呎，再搬到加多利山，最後升呢住九龍塘豪宅！

至於講到Bob嘅身家，陳敏之就大爆保守估計起碼有10億，嚇得Bob即急忙否認：「你覺得我會唔會話畀你知？緊係唔會啦！（10億）你都黐線，仲做呀？絕對唔係，但我冇特別去計算。」雖然佢未有透露實際數字，但亦表示有意將生意上市：「特別呢幾年，多咗留意到底點樣投資同入股去啲咩公司，暫時投資嘅生意就算賺蝕都會繼續，一定需要時間去經營。」可見財力雄厚。