余文樂驚恐症發作　終克服恐懼飛抵紐約

藝人余文樂去年自爆有驚恐症，曾於飛機上病發險死，治療多時又再復發，不過近日佢無懼病魔，再度挑戰搭飛機，終成功克服恐懼，飛抵紐約開展與一班兄弟過感恩節嘅旅程。到埗後佢憶述首次驚恐症發作嘅經歷，指當時係正飛往法國：「飛機一起飛那一下，我就把安全帶拔掉，然後衝去跟空姐說，我說我不行了，我要死了」，即使空姐表明「余先生，飛機才剛起飛」，但佢仍難掩內心不安，直指「我要回去」，幸好當時機上有醫生照顧先平安無事。至於今次再搭飛機，佢坦言喺機上一度覺得「感覺又來了」，隨即急忙食藥，但仍撐足半小時狀況先得以緩解。