鄭愷啃骨慘遭折磨足24小時　求醫無效竟靠老婆一招得救

唔少人都試過唔小心啃魚骨，情況可大可小，近日內地男星鄭愷就意外啃骨，慘被魚骨刺住喉嚨足足1日，都完全無法可施，相當牙煙。佢先試盡各種偏方，包括食麵包、飲醋等，甚至伸手及用鉗進入喉嚨徒手拔刺，但都一律無效，最後忍唔住去醫院求醫，但連醫生都投降，話睇唔到魚骨位置，正當佢被告知可能要同魚骨永遠共存之際，老婆苗苗再最後掙扎，嘗試幫忙拔刺，估唔到佢竟然輕鬆就將魚骨取出，即笑指自己隻手定到可以做醫術，而鄭愷亦成個鬆晒，立即跳舞慶祝。