羅天宇變臉走晒樣 激似《哈利波特》榮恩?

2022年05月15日 09:01
東網電視
更多新聞短片
社交平台時有新玩意,由發文貼相再到近期興玩拍短片,亦不時加入新嘅特效畀大家發揮創意,近來就推出咗自動變換表情嘅功能,正所謂笑住變喊又得,立即笑番晒都得,得咗!藝人羅天宇都唔執輸玩埋一份,佢喺社交網放出一段短片,留言話:「當身邊有人擔心你肚子餓是一件多麼感動的事情」,片中嘅佢一副喊樣兼喊到眼都腫埋,揸機拍片嘅朋友問佢咩嘢事,安慰佢:「唔好咁啦!好快有飯食㗎啦!」而佢就好配合咁答:「好肚餓」,畫面雖然哀傷但絕對喜感爆棚,連拍片人都笑到收唔到聲,大批好友包括王敏奕、胡美貽等即時送上笑到標眼淚嘅表情符號,而楊潮凱同蔣家旻就留言話:「好想打巴你」,至於剛離巢無綫嘅余德丞就留言指天宇極似《哈利波特》入面角色之一Ron Weasley(榮恩),相當搞笑。