康子妮不捨大仔日本留學　林曉峰內地爆紅未能回港送機

藝人林曉峰與康子妮前年離婚，不過佢哋再見亦是朋友，共同照顧一對兒子林寶及林熙。近日大仔林寶出國留學，康子妮與林熙前往機場送別，並於社交網甫出一系列送機相，明顯相當不捨：「送機連環圖，第一次自己搭飛機，唔願走症後群，唔捨得佢哋愈嚟愈大粒，放手讓他成長。」並標籤上日本名古屋，估計林寶今次係到日本讀書。

至於爸爸林曉峰因身在內地工作未能親自送機，而佢近日憑節目《聲生不息》爆紅，歌聲獲得認可，獲網民大讚實力不輸專業唱將，甚至被喻為「被發現的寶藏歌手」，更喺內地有大批粉絲追隨，兼有應援燈牌，人氣幾級躍升。