馬浚偉溜冰展身手 劉心悠唔識踩一步就跪低

20220515
東網電視
更多新聞短片
藝人馬浚偉今日(15日)出席活動,與一班展能藝術家齊齊創作石頭畫,他説:「雖然佢哋身體有唔同殘缺,但唔影響藝術天分,我都訪問過好多展能藝術家,佢哋面對唔同情況嘅挑戰,都可以繼續積極樂觀,呢樣嘢好值得我哋學習。」問到他自己的畫畫天分,他笑言:「我會考攞A㗎!以前讀設計,當年會考唯一一科攞A就係呢樣,哈哈!不過入行後就冇時間繼續鑽研。」他表示即將開班教授演藝,有很多圈中新人亦經公司轉介報名參加:「今次課程比較專業,會傳授啲內功心法畀佢哋,等佢哋知道要面對嘅嘢。」
與劉心悠有默契
他指課程約50堂,需時半年修讀,自己會教授戲劇創作及分享行內多年心得,預計6月開班,主要先等他先完成一堆堆積已久的拍攝工作:「拍緊套電視電影《我們的開學禮》,有劉心悠、施匡翹同其他演員。」他透露與劉心悠默契很好,亦感謝對方對自己的信任。戲中會有滾軸溜冰場面,他興奮表示正是他大展身手的時候:「我哋以前長駐喺沙田嘅一間Roller場(滾軸溜冰場),仲自己造鞋同西褲添,我哋會着西褲踩Roller。(心悠識唔識踩?)佢唔識踩,我本來想拖佢一步佢已經跪低,不過冇受傷。」他指《我們的開學禮》乃2小時的電視電影,稍後會原班演員開拍長達20集的電視劇《我們的畢業禮》。