擒棚架高處跳下！袁偉豪被讚好身手

藝人袁偉豪、蔡思貝及譚俊彥等主演的無綫劇集《廉政行動2022》已播映多集，昨晚（15日）一集中，劇情講述袁偉豪領軍調查工程判頭非法收受「介紹費」案件成該集亮點，正正是袁偉豪於街頭追捕判頭的場口，親身上陣的他不單要擒棚架，又從高處跳落地面，更要跨欄杆穿越車來車往的馬路，場面相當刺激，而袁偉豪的身手都相當敏捷，令場口更有睇頭，難怪他昨晚自己看完之後都有於社交網Post拍攝時的照片並留言：「今集跑到氣咳，不過係好值得。」

另外，陳敏之、姚嘉妮早前接受無綫娛樂新聞台節目《Star Talk》訪問時分享拍攝點滴。敏之大讚幕後工作人員相當細心，因為有時拍攝上只要改動少許細節，便能令整場戲變得更豐富，她說：「好似有一場調查戲，原本唔使我揸車，但最後我都好型咁揸咗，拍時佢哋仲叫我除咗件外套、衫領可以開一粒鈕，拍完出嚟變得好有電影感！」