胡美貽心情靚爆歎咖啡　 網民點錯相以為麥明詩

有「翻版朱千雪」之稱嘅胡美貽（Nicole）自早前被方力申「襲擊」撞穿頭，兼送院縫16針後，傷口已經遂漸好番。尋日（16日）佢就喺社交網晒出近照，見佢頭戴Cap帽，着住背心外套，大晒超深事業線，相當養眼。原來佢趁住假日去咗間靚靚餐廳歎咖啡、食Cake，睇嚟心情唔錯！不過唔少網民都話一開頭睇張相，以為佢係「十優港姐」麥明詩，認真搞笑！而網民亦紛紛大讚話:「優雅嘅女神」、「青春甜美」、「用心享受」。